^{Јас сум д-р Марија}

 ^{Мојот пристап, вредности, начин на лекување на моите пациенти денес е во резултат на сите здравствени проблеми со кои се соочував во текот на мојот живот.}

^{Болните и обилните менструации со кои се соочував од својата 14 г. возраст, година по година, стануваа толку интензивни што веќе не можев да функционирам без 3-4 инјекции Кетонал.Ситуацијата се влоши при крајот на медицинскиот факултет, кога посакав да станам мајка.}

^{По месеци неуспешни обиди, започнав да посетувам различни гинеколози и да добивам различни дијагнози- бикорнална матка, цисти, ендометриоза, но последниот гинеколог, по прегледот, ми рече:}

^{"Никогаш нема да станеш мајка!"}

^{Светот ми се сруши. Ништо повеќе не беше важно..По некое време откако си дојдов на себе, успеав да забременам со близнаци.}

^{Но, моите хормонски проблеми не завршија по породувањето. Се борев со ПМС кој веќе премина во ПМДД   (ПМС на стероиди), болни менструации по 10-14 дена, веќе имав и сериозни дигестивни проблеми, болки во желудник, екстремна подуеност, болки во стомакот, проблеми со столицата..Знаев дека морам да направам нешто.}

^{Продолжив со магистерски студии по нутриционизам, хербализам и алтернативна медицина.Иако имав лесно подобрување на почетокот, не успеав да ги решам проблемите.}

^{Повторно започна посетите од специјалист на специјалист...}

^{Според докторите бев здрава, имав само гастритис и според нив се што ми се случува беше на “ПСИХИЧКА БАЗА” што значеше- психијатар и антидепресиви.}

^{Започнав да барам решенија надвор од нашата земја..Тоа беше точката на пресврт во мојот живот - кога ја открив функционалната медицина-медицина која бара причини, не само медицина која маскира симптоми.}

^{Се запишав на напредни едукативни програми за хормонско и дигестивно здравје, го користев секој слободен момент за да научам колку што можам повеќе.Почнав да применувам сè што научив.}

^{Патот до оздравувањето не се случи преку ноќ, ми беа потребни неколку месеци, но се вратив поздравa од кога било - сите проблеми исчезнаа- Еден. По. Еден.}

^{Веќе имав јасно зацртана мисија - Да помогнам на сите кои се борат со хормонски и дигестивни проблеми.}